- Proposta de modificación da Ordenanza sobre Tránsito de Gando no seu apartado sancionador
Aínda que non se recibiron alegacións formais á devandita ordenanza, é vontade deste grupo de goberno atender ás solicitudes non formalizadas oficialmente que foron realizadas por persoas con gando do entorno do casco urbano de Amoeiro. E a este respecto, proponse modificar o Artigo da devandita Ordenanza referido ó réxime sancionador (art. 5) no seu apartado número dous, de xeito que se contempla a posibilidade de limpar de residuos a zona de tránsito puntual de gando nun prazo máximo de 24 horas dende que ocorran os feitos obxecto de denuncia como paso previo á imposición de sancións. De seguido, amósanse a redacción actual e a nova redacción proposta:
REDACCIÓN ACTUAL:
- Quen sexa responsable da infracción será sancionado cunha multa de 100 euros por cabeza de gando, con un límite de 3.000 euros.
NOVA REDACCIÓN PROPOSTA:
- Quen transite con gando polo casco urbano de Amoeiro responsabilizarase, de acordo co artigo 4, dos danos e prexuízos causados debendo, en calquera caso, deixar a zona libre de residuos nun prazo inferior a 24 horas dende os feitos obxecto de denuncia; se os residuos permanecen na zona máis aló deste prazo aplicarase unha sanción de 100 euros por cabeza de gando, con un límite de 3.000 euros.
- Proposta de outorgamento de Rúas na Honra dos Alcaldes da Democracia de Amoeiro
De acordo co establecido no artigo 12 do Regulamento de Honra e Distincións do Concello de Amoeiro, e co informe de acreditación de méritos de D. Adolfo González Nóvoa, Concelleiro deste municipio e nomeado como Xuíz Instrutor desta causa segundo o Decreto de Alcaldía de 29 de agosto de agosto de 2014, proponse a asignación de vías públicas ós Alcaldes da Democracia de Amoeiro como recoñecemento simbólico ós servizos prestados a este municipio durante as etapas democráticas.
De seguido, amósanse o sinalado informe e imaxes das propostas de rúas realizadas.
Informe do Xuíz Instrutor
Leave a Reply